أبشر يا أبوي

أبشر يابوي أبشر بتحقيق الأحلام=أبشر بعزك فالزمن والمكاني
ربيتني يابوي صابر وعزّام=ومن عاش في ظلك ماجاه التواني
وأدبتني يابوي باداب الاسلام=وهديتني للحق والله هداني
ونصحتني ببيات حلوات وحشام=أبيات شعر أقول صح اللساني
وسمعتها وعيتها بلقب همّام=وعرفت قيمتها وقدر المعاني
وعرفت تقصيري وفجرت الالغام=وجبت الشهاده بإمتياز وضماني
وبستمر واشد حيلي لقدام=واجيب ماجستير وأبني المباني
وبرفع الرايات مع رفع الاعلام=حتى أحقق مطلبي والاماني
وتشوف حرف الدال مع رتبة وسام=ويصير ليّ في عالم العلم شاني
وأخر كلامي بعلن أعلاني الهام=وأكتب كلامي شكر أول وثاني
للوالد الناصح على بذل الاسهام=حزم وحلم وحب ويّا حناني